تنسيقاتـي الشـتـويـه | Winter outfit

4:41:00 ص


السلام عليكم و رحمة الله و بركاته ..

كيفكم بنات ..إن شاء الله بخير ..
بما إن فصل شتاء دخل ..و البرد يزداد تدريجياً .
حبيت أشارككم تنسيقات لي شتويه ..
كلها بلايز و هوودي 
.
بسم الله نبدأ 
..
.

.
..
التنسيق الأول هو مو شتوي مره ..بس بما انه قطعتين بيكون دافي بما فيه الكفايه ..لكن ماينفع للبرد القوي هههههه
قميص جلد ..<<كنت دايم ادور على قميص جلد والحمدلله لقيته أخيراً 
التوب الي يسمونه البنات "بروسلي " هههههههه عشان الخطين الاسود والنيك (العنق) حقه 
حبيت الأبيض والأسود مع بعض جممميله و الهدب أضاف حركه آنيقه 
..
.
.
..
التنسيق الثاني .. هو كنزه عنابيه أحب حركة الضفيره الي عليها مرره آحبهااا أحس الأنيقين دايم يلبسوها ...هههههه أحساس .
وتحتها هاي نيك (بلوزه برقبه) أبيض  باللبس مرره جميله  
..
.

 .
..
ضفت لها عقد اللؤلؤ هذا حسيت بالنقاء في الستايل كله مرره جميل و ابي تشوفون باللبس كيف 
البلوزه من  H&M  الهاي نيك من ستراديفاريوس 
اللولو صناعه يدويه Hand Made بس ما اذكر من وين من زمان عندي 
..
.
.
..
هنا القميص الجلد نفسه ركبت عليه جاكيت جلد ..مثل ماقلت قبل ..احب حركة تشابه الخامات ..بين الجاكت والقميص 
مثلا قميص جينز مع جاكيت جينز ..حلووه جربوها .
والجلد معروف انه كلاسيك يناسب مع بلايز فساتين بناطيل تنوره .... إلخ.
..
.
 .
..
طبعا الجاكيت الجلد أكيد عرفتوه هههههههه من تصميمي 
من مجموعة (لاين آي )   Line  A 
..
.
.
..
هذا التنسيق أحسه آسيوي ما اعرف ليش ..بس كذا الهاي نيك مع الهوودي حسستني انو شبه الآسيويين 
مره حبيته باللبس و بعد جربته مع هاي نيك اسود طلع مره حلو ..
فيه تناسق قوي بالألون 
نصيحه الهاي نيك مره جميل مع الهوودي جربي واحكمي 
بلوزه بحرف A  "مهووسه بحرفي ههههه" من فورايفير ٢١
..
.
.
..
ضفت له العقد الذهبي عشان يكتمل الثيم ههههههه
(اسود + ابيض+ ذهبي +رمادي ) 
كأنه ستايل تمبلر هههه 
العقد من H&M 
..
.
..
هنا نسقت كنزه رماديه  مخططه بكحلي 
فيها ازراز ذهبيه مره حلوه وخفيفه 
القميص من أحب القمصان عندي في البدايه ما حبيته بس صار من المفضلات 
الياقه مرره عطت شكل كيوت للبس أصرافها السوداء مخمل 
مرسوم عليه قلوب سوداء صغيره  
..
.
.
..
اي شيء مخطط يذكرني بستايل البريطانيين
ههههههههه 
البلوزه من زارا .. القميص من كاتش كاتش .
..
 .
..
هنا بنفس القميص نسقت معاه كنزه  (بلوزه) ثانيه 
آحب ستايل المخطط زي كذا 
وستايل الضفيره عليها احبه اتوقع شفتوها كثير هذي الحركه بكذا بلوزه 
مع بعض شكلهم مرره حلو 
..
.
 .
..
الياقه و الخطوط بالبلوزه هي الحركه الحلوه بالستايل 
نسقت معها ساعه ذهبيه من مايكل كورس 
..
.
 .
..
هنا رجعت نسقت البلوزه الرماديه مع القميص الجلد 
الألوان مرره هااديه و خياليه 
يعني مهما اختلفت الاذواق فيه الصنف الأنيق هذا الكل يتفق عليه 
الي هو الألوان الهاديه هذه 
ألوان الشتاء و ملابسه أصلا تحمممس 
..
.

 .
..
البلوزه زي ما قلت فيها ازار ذهبيه معطيه أناقه أكثر للبلوزه مره حبيت اللوك 
..
.
.
..
هنا نجي للشو تاايم ههههه 
عشان ما يكون كل تنسيق الشتاء الوان هاديه ..فيه ألوان شتويه منعشه 
هذا الستايل من ذوقي الشخصي ممكن البعض ما يتقبله .. بس أشبه الستريت فاشن 
لا يصير عندك تخوف من الألوان مع بعض
 عادي مو ضروري تعتمدين ستايل الانيق الهادي دايم <<الثبات على ستايل واحد ممل نوعا ما مهما كان جميل 

بلوزة كينزو .. وقبوع من  H&M  يقال لكم منسقه النمر مع النمر ههههههههه
 ممكن تضيفين قميص تحت لو حابه ..
..
.
لحد هنا خلصت تدويني عن بعض من  تنسيقاتي الشتويه .
أتمنى ما كون طفشتكم 

و مو ضروري تسوي نفسها لكن يكفي انها تعطيك إلهام أو فكره بتنسيق معين 
.
و تذكري أي شيء كتنسيق يخطر ببالك جربيه و احكمي عليه ..
لأن فيه أشياء كثيره ما تحلى الا باللبس 
.
.
لا تنسي تتركي أثر بالتعليق 
.
دمـتـم بـخـيـر

" سبحان الله ، والحمدللـه، ولا إله إلا اللـه ، والله أكبر "


You Might Also Like

0 التعليقات

لا تنسى كتابة رأيك !

Popular Posts

Like us on Facebook

Flickr Images