كيف تُصنع هدية بمناسبة اللآمناسبه | DIY design
3:32:00 م
السلام عليكم و رحمة الله وبركاته
مرحبا جميعا ..
نعرف اننا اذا جينا نقدم هديه لأحد لازم يكون فيه مناسبه للأهداء
(مواليد ، تخرج ، زواج ، نجاح ..الخ )
لكن فيه ايضاً الهدايا الي نقدمها بدون مناسبه لأشخاص بمناسبة أننا نحبهم و نحب وجودهم بحياتنا ..
هذا هو بحد ذاته سبب..
لذلك اسميها هدية بمناسبة اللآمناسبه >>لازم تنتشر هذي الثقافه ههههههههه
بالعاده تكون هديه بسيطه ، وغير مكلفه
مثال : كتاب ، اكسسوار ، شوكلاته ، كفر جوال ، ايطار ، مجموعة فرش "رسم او مكياج"
..
.
على كل حال نبدأ بالمضمون الأساسي وهو إلهام بسيط عن كيف تقدمي هديه بسيطه جميله تحمل معنى
..
.
الهديه = { كتاب وكيف رح اغلفه } ..
" الأدوات الي استخدمها سهله تلقينها بكل مكتبه وما تكلفك الا مبلغ ما يذكر "
الآسعار كتبتها لكم
ملف ، قلم ، كتابك الي انتي حابه تهدينه >>اخذته من جرير
أدوات الزينه
ورد صناعي ، شريط .
ورد أسود و ورد ابيض بأي مكتبه تلقونه أشكال كثيره اذكر اخذته ب ٢ ريال
شريط لاصق
ألحين نبدأ شغل >> لازم كاسة حلييب
ندخل الكتاب في الملف
نوصل الكتاب لأخر الملف مثل ما انتم شايفين
نلف الملف على الكتاب
ونفك اللصق حق الملف ونلصقه عشان نسكره كامل
ويكون كذا شكله بعد اللف النهائي كأنه باكيج (مغلف)
نجي للزينه
نلف الشريط على المغلف كامل مثل لو انا نغلف صندوق هديه
ندخل الورد الابيض و الاسود بين الشريط و نلصقه عشان يثبت بهالطريقه
كذا يكون بعد التزيين >> اكمل شرب حليبي شوي
كتبت على الظرف عباره كـرساله للمستقبل [اللي انتي حابه ]
كذا انتهيت من تحضير هديه بسيطه ، جميله ، وذات معنى
الحين هديتك صارت جاهزه تقدمينها لصديقتك ، او استاذتك ، او من يعز عليك
اتمنى تكون اعجبتكم الفكره و استفدتوا منها
واتمنى تطبقونها لأنها تجمع البساطه و الاناقه .
لا تنسوا تشاركوني صور لتطبيقكم في الأنستقرام اسعد بها .
..
.
دمـتم بخـير
0 التعليقات
لا تنسى كتابة رأيك !