أساسيات في الحياة الجامعيه | Basics in College life
7:56:00 م
مرحبا ..جميعاً إن شاء الله تكونوا بخير وصحة دائماً ..
بما أنها أول تدوينه لي في مدونتي فـ رح أفتتحها بأكثر شيء أحبه
وموضوع قريب لقلبي وهو مرحلة الجامعة ..
وكيف كل بنت جديدة المفترض تستعد لها ..
أنا أتكلم عن تجربتي طوال الأربع سنوات الي عشتها بحرم الجامعة
إن شاء الله تستفيدون من خلاصتي للأساسيات
ملاحظه :ذكرت اساسيات التجهيزات لها وليس التفاصيل الجامعة .
المعروف ان لبس الجامعه لبس حر ..يعني مو زي رسمي ..على حد
علمي.
وهو} تنوره + بلوزه {
التنوره
الأفضل الأسود دائما و أبداً لأن الأسود سيد الألوان والمناسب لكل شيء.
ماعلينا
ننتقل إلى إلى إيش الأشياء المهمه و الأساسيه تكون عندك كـ طالبه ..
أول شيءو
أهم شيء القمصان ..لابد من انه يكون عندك قمصان للدوام لأنها أكثر شيء مريح ,
جميل, أنيق , ومناسب لجو الدراسه .
فيه نوعين
من القمصان ..
الجينز و
القمصان الملونه ..
الجينز أنا من تجربتي أشوف أنه من الضروري يكون
عندك قميص جينز على الأقل قميص واحد ..مريح , جميل , كاجوال, ولأنه يعطيك شكل
البنت الصباحيه الفرش ( المنعشه) كذا أحس .
أول نوع
الي هو الجينز المعروف أو المتعارف وهو الجينز الفاتح ..
أخذته من (ستراديفاريوس).ونسقت
معاه الربطه السبايكي ..تعجبني معها بقووه .
وهنا
بتنسيق ثاني ..لأني أحب ألبسه مع إكسسوار يعطيه ستايل مختلف عن كل مره ..واحياناً ألبسه حاف إذا حبيت شكل أبسط
القميص
الثاني طلبته من أسوس ..(جينز من قدام شيفون من ورا)..طبعا أنا طلبته لأن حركته
غريبه فحبيتها ..
حلو
واكمامه جميله جدا مو واسعه ماسكه من عند اليدين..
ملاحظه:أحب
دايم أسكر أول زرار و اخلي الباقي مفتوح يطلع جمميل .
هذا القميص
بعد طلبته من أسوس (آوت شولدرز) بس ما انصح تلبسينه بالجامعه ..لأنه ممنوع على
الاغلب <<وانا أكلت تهزئة من الاستاذاه عشانه ..
بس حبيت أوريكم هههههه
هنا نبدأ
بالقمصان الملونه ..
وهنا عالم
من جميع انواع الأقمشه و جميع الألوان وتختلف ..وانا شخصيا أحبها جداً..ومن المهم
جداً القميص الأبيض ..لا يفنى ولا يستحدث من العدم
لأن
استخداماته كثير وصدقيني رح تلبسينه كثير ..إما لحاله أو تحت سوتر أو هوودي
(بلوزه
قطنيه)
أول قميص
وهو القميص الزيتي ..أو قميص الآرمي..أشوف انه جزء مهم أنه يكون عندك ..أوممكن
القميص الجيشي المنقش .
نسقت معاة
الاكسسوار السبايكي والنظاره باللون
الذهبي لأنه متناسق معه بشكل قوي .
وأحيانا
أحب ازيد الجرعه حبتين وأبالغ في الأكسسوار إذا كان القميص بسيط ..
أو ابي
اغير من إطلالتي إذا لبسته مره ثانيه ..
قميص رمادي
..أنا ما أشوف انه اساسي يكون عندك بس أنا أستعرض لكم القمصان الموجوده عندي كـ كل .. البسه حاف احيانا مع اكسسوار او البسه مع جاكيت رمادي غامق فيطلع تناسق جميل
...خصوصا صرت أحب ألبس لونين متشابهه مع بعض ..تطلع جميله مع بعض ..ماكنت احب الحركه
بس صرت احبها .
القميص
الزهر كنت اتريق على الي يلبسونه بس صرت أحبه وحسيت انه لازم يكون عندي واحد جميل مع تيشيرت ابيض وسكري اول زر واتركي الباقي .يصير بيرفكت ..حسيت لونه أعطاني
منظر مختلف وجديد .
آخر قميص
وهو بالنسبه لي أحب قميص المخطط ...ليش احبه ؟
لأن قمصاني
كانت دايم اوسع مني بشوي او اقرب للكاجوال ..هذا القميص كان محدد شكل جسمي ماسك
على يديني مو واسع يعني بأختصار قمة الانوثه ..مو قميص سبور او ستايل كاجوال لا
ستايل أنيق ..
طبعا
مستحيل البس معاه اكسسوار اوفر .
بالعاده
أكتفي بهذا الأكسسوار معاه و الاكسسوار الاساسي <<رح اتكلم عنه بشكل اكثر .
الي هو
العقد الي دايم تلبسينه ..عقد ذهب نعوم وصغير ..و ساعة (مايكل كورس)
لهنا خلصت
جزئية القمصان أو الـ (Tops)
ننتقل
للجزء الي احبه من الملابس وهو الجاكيتات ..أكذب لو اقول بس احبها
أنا عندي
هوس جاكيتات ..وعشق بلا حدود <<عشان كذا صممت مجموعة {A}
هنا
الجاكيتات الاساسيه بالنسبه لي و أنواعها ..
أول نوع من
الجاكيات وهو (البليزر) .أحبهاااا جدا احب
شكلها بالبس راائعه
عشان كذا
احس لازم يكون عند كل شخص بليزر ..نفس الي بالصوره
بالازرار
تحت ..<<أكيد فهمتوا قصدي ههههه
النوع
الثاني هو الدنيم (الجينز) هو حلو وجميل ..لكن موضروري يكون عندك في بدايات دراستك
لكن في المستقبل لازم شتريه وتضيفيه لخزانة ملابسك يلبس مع القمصان ..أو مع هوودي
بقبوع (تنسيقي المفضل)
..الجاكيت
العنابي هو البيسبول جاكيت (يعني مستوحى من جاكيتات لاعبين كرة البيسبول) أشكال
والوان بس حبيت هذا لأنه بأكمام جلد حسيته
فريد ,ومميز .
هذا بعد
قريب لفكرة البيسبول جاكيت ولكن مو هو ..هذا الجاكيت قماشه غررريب
جممميل
جدا قماشه هو سبب شرائي له ..قاسي وبنفس الوقت ما يتكسر تشوفون كيف القبوع واقف من
نفسه جممميل وممميز باللبس حلو وكذلك الألوان جميله .
نجي للشو تآآيم <<على قولة إيدي ميرفي
هذا الجاكيت من تصميمي ..(تصميمي وليس خياطتي هو بالأصل من بول اند بير)
هذا نموذج
لـ كيف هي مجموعة تصاميمي الي رح انزلها قريب
(جاكيت جلد
سبايكي)
إن شاء
الله أول ما تنزل مجموعة تصاميمي رح أنزل لكم عنها تدوينه ..
ورح اتكلم
عن اللاين حقي بالتفصيل <<بس انتظر الوقت المناسب
حبيت لو
اشارككم كل جاكيتاتي الي بالخزانه بس ماحبيت اطول التدوينه
ننتقل إلى
الجزء السفلي وهي الجزم ..
لازم
تعرفين ان اهم انواع الجزم في الدوام هي الجزمه الرياضيه ..
لازم لازم
يكون عندك جزمه رياضيه ..حتى بالصيف عادي لو تلبسينها
(رياضيه
+فلات+ وصندل)
هذي هي
الاساسيات لكن حبيت اشارككم الي عندي ..كإضافة
أول جزمه
حبيتها حبيت لونها بس عشان اكون صريحه مالبستها كثير لأنها تمتد للساق فكانت صعبه
وقت الوضوء ..فخذي جزمه رياضيه للعقب .
هذي الجزمه حبيتها أول ماشتريتها, مو اساسيه بس حبيتها ..
واجهت فيها
مشكله ان الجلد جرح رجلي من ورا مع انها مقاسي لكن كانت فردة اضيق من فرده << مدري ليش ؟؟
عشان كذا
تأكدي من المقاس وحاولي تاخذي اوسع من ورا لأن مقاسك بالضبط في الجلد بيجرحك .
هذي سنيكر
ديور ..حسيت اني لازم اشتريها بس انصحك تشتري سنيكر شكل عادي ..لأن الاشكال هذي ما
تنفع دوام يومي ..هي مريحه واكثر من مريحه تحفظ الرجول ..بس تخافين تتوصخ أو كذا
..واصير شايله همها ههههههه
بس لبسها
يوم بالدوام بيوم مميز حلو
آخر جزمه
فلات ..أحب جزمه لي واكثر جزمه ألبسها ..حتى بكل المواسم على انها مخمل بس مو حاره
ابدا خفيف ..لبستها لين ما خلاص حسيت حللتها ..
بس جممميله
باللبس بالمشي بكل شيء ..
والصدمه
قيمتها 60 ريال ..(قاعدتي بالحياه أشتري الشيء لو أعجبني رخيص كان أو غالي )
ويبقى لك
الخيار بالاشكال والألوان الي تحبي بس المهم لاتنسين الرياضيه مهمه جداً
ملاحظه:
الصندل عادة رح تلبسينه وقت الصيف ..ماينفع للشمس لأنه يسوي تان على شكل الصندل على رجولك.
نيكست << الاكسسوار
فيه
اكسسوار(اساسي دايم تلبسينه) , (أكسسوار نادر لبسه)
الدايم هذا
العقد الي تلبسينه دايم يكون ناااعم جدا ما يضايقك ..و الافضل ذهب ما يتغير لونه
اومطلي بماء ذهب .
انا عندي
واحد ذهب و واحد من شوارفسكي .. والساعه الدائمه<< أهم شيء شغاله هههههه
تقدري تلبسي
خواتم واساور اذا حابه معاها .
هذا هو
الأكسسوار النادر لأنه ضخم و متكلف ..وماينفع يومي
ليش
؟؟
(خذيها قاعده لأن أي شيء يومي لازم يكون شيء بسيط سهل مريح للعين ومريح الحركه و
خفيف )
مثل هذا
الأكسسوار البسه احيانا مع بلايز..أو قمصان ..ونادر البسه يمكن الواحد مرتين بالترم
كامل
هنا
الأكسسوار الفضي ..لأن بعض الملابس تناسب الفضي وليس الذهبي ..
هذي
الخواتم يسمونها صديقاتي << خواتم مشعوذ هههههه
التشكور
أحسة حاجه حلووه تعطي رونق انصحك فيه .
إلى هنا
أكون خلصت تدوينتي ..
أتمنى
أتمنى ما أكون طولت عليكم او طفشتكم ..
فيه أشياء
كثير حبيت أكتب عنها وانزل صور لها بس ما حبيت أكثر
المهم وصلت
لكم الاساسيات كبدايه لكل بنت ..
وان شاء
الله التفاصيل الدقيقه رح أكتبها بتدوينات قادمه
❤دمتم في
رعاية الله❤
0 التعليقات
لا تنسى كتابة رأيك !